1 ιδων δε τουϲ οχλουϲ ανεβη ειϲ το οροϲ και καθιϲαντοϲ αυτου προϲηλθαν οι μαθηται αυτου
2 και ανοιξαϲ το ϲτομα αυτου εδιδαϲκεν αυτουϲ λεγων
3 μακαριοι οι πτωχοι τω πνευματι οτι αυτω̅ εϲτιν η βαϲιλεια των ουρανων
4 μακαριοι οι πενθουντεϲ οτι αυτοι παρακληθηϲονται
5 μακαριοι οι πραειϲ οτι αυτοι κληρονομηϲουϲι την γην
6 μακαριοι οι πεινωντεϲ και διψωντεϲ την δικαιοϲυνην οτι αυτοι χορταϲθηϲονται
7 μακαριοι οι ελεημονεϲ οτι αυτοι ελεηθηϲο̅ται
8 μακαριοι οι καθαροι τη καρδια οτι αυτοι τον θ̅ν̅ οψονται
9 μακαριοι οι ειρηνοποιοι οτι αυτοι υιοι θ̅υ̅ κληθηϲονται
10 μακαριοι οι δεδιωγμενοι ενεκα δικαιοϲυνηϲ οτι αυτων εϲτιν η βαϲιλεια των ουρανων
11 μακαριοι εϲτε οταν ονειδιϲωϲιν υμαϲ και διωξωϲιν και ειπωϲιν πα̅ πονηρον καθ υμων ψευδομενοι ενεκα εμου
12 χαιρετε και αγαλλιαϲθε οτι ο μιϲθοϲ υμων πολυϲ εν τοιϲ ουρανοιϲ ουτωϲ γαρ εδιωξαν τουϲ προφηταϲ τουϲ προ υμων
13 υμειϲ εϲτε το αλαϲ τηϲ γηϲ εαν δε το αλαϲ μωρανθη εν τινι αλιϲθηϲεται ειϲ ουδεν ιϲχυει ετι ει μη βληθεν εξω καταπατειϲθαι υπο των ανθρωπων
14 υμειϲ εϲτε το φωϲ του κοϲμου ου δυναται πολιϲ κρυβηναι επανω ορουϲ κειμενη
15 ουδε καιουϲιν λυχνον και τιθεαϲιν αυτον υπο τον μοδιον αλλ επι την λυχνιαν και λαμπει παϲι τοιϲ εν τη οικια
16 ουτωϲ λαμψατω το φωϲ υμων εμπροϲθεν των ανθρωπων οπωϲ ιδωϲιν υμω̅ τα καλα {} [2] και δοξαϲωϲι̅ τον πατερα υμων το̅ εν τοιϲ ουρανοιϲ
17 μη νομιϲητε οτι ηλθο̅ καταλυϲαι τον νομο̅ η τουϲ προφηταϲ ουκ ηλθον καταλυϲαι αλλα πληρωϲαι
18 αμην γαρ λεγω υμιν εωϲ αν παρελθη ο ουρανοϲ και η γη ιωτα εν η μια κερεα ου μη παρελθη απο του νομου εωϲ {} [3] παντα γενηται
19 οϲ εαν ουν λυϲη μιαν των εντολων τουτω̅ των ελαχιϲτων και διδαξη ουτωϲ τουϲ ανθρωπουϲ ελαχιϲτοϲ κληθηϲεται εν τη βαϲιλεια των ουρανων οϲ δ αν ποιηϲη και διδαξη ουτοϲ μεγαϲ κληθηϲεται εν τη βαϲιλεια των ουρανων
20 λεγω γαρ υμιν οτι εαν μη περιϲϲευϲη υμων η δικαιοϲυνη πλειον των γραμματεων και φαρειϲαιων ου μη ειϲελθητε ειϲ την βαϲιλειαν των ουρανω̅
21 ηκουϲατε οτι {ερρεθη} [4] τοιϲ αρχαιοιϲ ου φονευϲειϲ οϲ δ αν φονευϲη ενοχοϲ εϲται τη κριϲει
22 εγω δε λεγω υμιν οτι παϲ ο οργιζομενοϲ τω αδελφω αυτου ενοχοϲ εϲται τη κριϲει οϲ δ αν ειπη τω αδελφω αυτου ρακα ενοχοϲ εϲται τω ϲυνεδριω οϲ δ αν ειπη μωρε ενοχοϲ εϲται ειϲ την γεενναν του πυροϲ
23 εαν ουν προϲφερηϲ το δωρον ϲου επι το θυϲιαϲτηριον κακει μνηϲθηϲ οτι ο αδελφοϲ ϲου εχει τι κατα ϲου
24 αφεϲ εκει το δωρο̅ ϲου εμπροϲθεν του θυϲιαϲτηριου και υπαγε πρωτον διαλλαγηθι τω αδελφω ϲου και τοτε ελθων προϲφερε το δωρον ϲου
25 ιϲθι ευνοων τω αντιδικω ϲου ταχυ εωϲ οτου ει μετ αυτου εν τη οδω μηποτε ϲε παραδω ο αντιδικοϲ τω κριτη και ο κριτηϲ τω υπηρετη και ειϲ φυλακην βληθηϲη
26 αμην λεγω ϲοι ου μη εξελθηϲ εκειθε̅ εωϲ αν αποδωϲ τον εϲχατον κοδραντην
27 ηκουϲατε οτι {ερρεθη} [5] ου μοιχευϲειϲ
28 εγω δε λεγω υμιν οτι παϲ ο βλεπων γυναικα προϲ το επιθυμηϲαι αυτην ηδη εμοιχευϲεν αυτην εν τη καρδια εαυτου
29 ει δε ο οφθαλμοϲ ϲου ο δεξιοϲ ϲκανδαλιζει ϲε εξελε αυτον και βαλε απο ϲου ϲυμφερει γαρ ϲοι ινα αποληται εν των μελων ϲου και μη ολον το ϲωμα ϲου βληθη ειϲ γεενναν
30 και ει η δεξια ϲου χειρ ϲκανδαλιζει ϲε εκκοψον αυτην και βαλε απο ϲου ϲυμφερει γαρ ϲοι ινα αποληται εν των μελων ϲου και μη ολον το ϲωμα ϲου ειϲ γεενναν απελθη
31 {ερρεθη} [6] δε οϲ αν απολυϲη την γυναικα αυτου δοτω αυτη αποϲταϲιον
32 εγω δε λεγω υμιν οτι παϲ ο απολυων την γυναικα αυτου παρεκτοϲ λογου πορνειαϲ ποιει αυτη̅ μοιχευθηναι και ο απολελυμενην γαμηϲαϲ μοιχαται
33 παλιν ηκουϲαται οτι {ερρεθη} [7] τοιϲ αρχαιοιϲ ουκ επιορκηϲειϲ αποδωϲειϲ δε τω κ̅ω̅ τουϲ ορκουϲ ϲου
34 εγω δε λεγω υμιν μη ομοϲαι ολωϲ μητε εν τω ουρανω οτι θρονοϲ εϲτιν του θ̅υ̅
35 μητε εν τη γη οτι υποποδιο̅ εϲτιν των ποδων αυτου μητε ειϲ ιεροϲολυμα οτι πολιϲ εϲτιν του μεγαλου βαϲιλεωϲ
36 μητε εν τη κεφαλη ϲου ομοϲηϲ οτι ου δυναϲαι μια̅ τριχα λευκην ποιηϲαι η μελαιναν
37 εϲται δε ο λογοϲ υμων ναι ναι ου ου το δε περιϲον τουτων εκ του πονηρου εϲτιν
38 ηκουϲατε οτι {ερρεθη} [8] οφθαλμον αντι οφθαλμου και οδοντα αντι οδοντοϲ
39 εγω δε λεγω υμιν μη αντιϲτηναι τω πονηρω αλλ οϲτιϲ ϲε ραπιζει ειϲ την δεξιαν ϲιαγονα ϲου ϲτρεψον αυτω και την αλλην
40 και τω θελοντι ϲοι κριθηναι και τον χιτωνα ϲου λαβειν αφεϲ αυτω και το ιματιον
41 και οϲτιϲ ϲε αγγαρευϲει μειλιον εν υπαγε μετ αυτου δυο
42 τω αιτουντι ϲε δοϲ και τον θελοντα απο ϲου δανιϲαϲθαι μη αποϲτραφηϲ
43 ηκουϲατε οτι {ερρεθη} [9] αγαπηϲειϲ τον πληϲιον ϲου και μειϲηϲειϲ τον εχθρον ϲου
44 εγω δε λεγω υμιν αγαπατε τουϲ εχθρουϲ υμων και προϲευχεϲθε υπερ των διωκοντων υμαϲ
45 οπωϲ γενηϲθε υιοι του πατροϲ υμων του εν ουρανοιϲ οτι τον ηλιον αυτου ανατελλει επι πονηρουϲ και αγαθουϲ και βρεχει επι δικαιουϲ και αδικουϲ
46 εαν γαρ αγαπηϲητε τουϲ αγαπωνταϲ υμαϲ τινα μιϲθον εχετε ουχι και οι τελωναι το αυτο ποιουϲι
47 και εα̅ αϲπαϲηϲθε τουϲ αδελφουϲ υμων μονον τι περιϲϲον ποιειτε ουχι και οι εθνικοι το αυτο ποιουϲιν
48 εϲεϲθε ου̅ υμειϲ τελειοι ωϲ ο πατηρ υμων ο ουρανιοϲ τελειοϲ εϲτιν
Примечания:
16 [2] {εργα}
18 [3] {αν}
21 [4] {ερρηθη}
27 [5] {ερρηθη}
31 [6] {ερρηθη}
33 [7] {ερρηθη}
38 [8] {ερρηθη}
43 [9] {ερρηθη}
Нашли в тексте ошибку? Выделите её и нажмите:
Ctrl + Enter
Евангелие от Матфея, 5 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.