ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΜΑΤΘΑΙΟΝ 20 ΚΑΤΑ ΜΑΤΘΑΙΟΝ 20 ΚΕΦΆΛΑΙΟ

1 ομοια γαρ εϲτιν η βαϲιλεια των ουρανων ανθρωπω οικοδεϲποτη οϲτιϲ εξηλθεν αμα πρωι μιϲθωϲαϲθαι εργαταϲ ειϲ τον αμπελωνα αυτου
2 ϲυμφωνηϲαϲ δε μετα των εργατων εκ δηναριου την ημεραν απεϲτειλεν αυτουϲ ειϲ το̅ αμπελωνα αυτου
3 και εξελθων περι τριτη̅ ωραν ειδεν αλλουϲ εϲτωταϲ εν τη αγορα αργουϲ
4 και εκεινοιϲ ειπεν υπαγετε και υμειϲ ειϲ τον αμπελωνα και ο εαν η δικαιον δωϲω υμιν
5 οι δε απηλθον παλιν εξελθων περι εκτη̅ και ενατην ωραν εποιηϲεν ωϲαυτωϲ
6 περι δε την ενδεκατην εξελθων ευρεν αλλουϲ εϲτωταϲ και λεγει αυτοιϲ τι ωδε εϲτηκατε ολην την ημεραν αργοι
7 λεγουϲιν αυτω οτι ουδειϲ ημαϲ εμιϲθωϲατο λεγει αυτοιϲ υπαγετε και υμειϲ ειϲ τον αμπελωνα
8 οψιαϲ δε γενομενηϲ λεγει ο κυριοϲ του αμπελωνοϲ τω επιτροπω αυτου καλεϲον τουϲ εργαταϲ και αποδοϲ αυτοιϲ τον μιϲθον αρξαμενοϲ απο των εϲχατων εωϲ τω̅ πρωτων
9 ελθοντεϲ δε οι περι την ενδεκατην ωραν ελαβον ανα δηναριον
10 και ελθοντεϲ οι πρωτοι ενομιϲαν οτι πλειον λημψονται και ελαβον ανα δηναριον και αυτοι
11 λαβοντεϲ δε εγογγυζον κατα του οικοδεϲποτου
12 λεγοντεϲ ουτοι οι εϲχατοι μιαν ωραν εποιηϲαν και ιϲουϲ ημιν αυτουϲ εποιηϲαϲ τοιϲ βαϲταϲαϲι το βαροϲ τηϲ ημεραϲ και τον καυϲωνα
13 ο δε αποκριθειϲ αυτω̅ ενι ειπεν εταιρε ουκ αδικω ϲε ουχι δηναριου ϲυνεφωνηϲαϲ μοι
14 αρον το ϲον και υπαγε θελω εγω τουτω τω εϲχατω δουναι ωϲ και ϲοι
15 ουκ εξεϲτιν μοι ο θελω ποιηϲαι εν τοιϲ εμοιϲ η ο οφθαλμοϲ ϲου πονηροϲ εϲτιν οτι εγω αγαθοϲ ειμι
16 ουτωϲ εϲονται οι εϲχατοι πρωτοι και οι πρωτοι εϲχατοι
17 μελλων δε αναβαινειν ι̅ϲ̅ ειϲ ιεροϲολυμα παρελαβε τουϲ δωδεκα μαθηταϲ καθ ιδιαν και ε̅ τη οδω ειπεν αυτοιϲ
18 ιδου αναβαινομεν ειϲ ιεροϲολυμα και ο υιοϲ του ανθρωπου παραδοθηϲεται τοιϲ αρχιερευϲιν και γραμματευϲιν και κατακρινουϲιν αυτον
19 και παραδωϲουϲι̅ αυτον τοιϲ εθνεϲιν ειϲ το εμπαιξαι και μαϲτιγωϲαι και ϲταυρωϲαι και τη τριτη ημερα αναϲτηϲεται
20 τοτε προϲηλθεν αυτω η μητηρ των υιων ζεβεδαιου μετα των υιων αυτηϲ προϲκυνουϲα και αιτουϲα τι απ αυτου
21 ο δε ειπεν αυτη τι θελειϲ η δε ειπεν ειπε ινα καθιϲωϲιν ουτοι οι δυο υιοι μου ειϲ εκ δεξιω̅ και ειϲ εξ ευωνυμων ϲου εν τη βαϲιλεια ϲου
22 αποκριθειϲ δε ο ι̅ϲ̅ ειπε̅ ουκ οιδατε τι αιτειϲθε δυναϲθε πιειν το ποτηριον ο εγω μελλω πιειν λεγουϲιν αυτω δυναμεθα
23 λεγει αυτοιϲ το μεν ποτηριο̅ μου πιεϲθε το δε καθιϲαι εκ δεξιων μου η εξ ευωνυμων ουκ εϲτι̅ εμον δουναι αλλ οιϲ ητοιμαϲται υπο του πατροϲ μου
24 και ακουϲα̅τεϲ οι δεκα ηγανακτηϲαν περι των δυο αδελφων
25 ο δε ι̅ϲ̅ προϲκαλεϲαμενοϲ αυτουϲ ειπεν οιδατε οτι οι αρχοντεϲ των εθνων κατακυριευϲουϲιν αυτων και οι μεγαλοι κατεξουϲιαζουϲιν αυτων
26 ουχ ουτωϲ εϲτιν εν υμιν αλλ οϲ αν θελη μεγαϲ εν υμι̅ γενεϲθαι εϲται υμων διακονοϲ
27 και οϲ αν θελη ειναι υμων πρωτοϲ εϲτω υμων δουλοϲ
28 ωϲπερ ο υιοϲ του ανθρωπου ουκ ηλθεν διακονηθηναι αλλα διακονηϲαι και δουναι τη̅ ψυχην αυτου λυτρο̅ αντι πολλων
29 και εκπορευομενων αυτων απο ιερειχω ηκολουθηϲεν αυτω οχλοϲ πολυϲ
30 και ιδου δυο τυφλοι καθημενοι παρα την οδον ακουϲαντεϲ οτι ι̅ϲ̅ παραγει εκραξαν λεγοντεϲ κ̅ε̅ ελεηϲο̅ ημαϲ υιοϲ δαυειδ
31 ο δε οχλοϲ επετιμηϲεν αυτοιϲ ινα ϲιωπηϲωϲιν οι δε μειζον εκραξαν λεγοντεϲ κ̅ε̅ ελεηϲον ημαϲ υιοϲ δαυειδ
32 και ϲταϲ ι̅ϲ̅ εφωνηϲεν αυτουϲ και ειπεν τι θελετε ποιηϲω υμιν
33 λεγουϲιν αυτω κ̅ε̅ ινα ανοιγωϲιν οι οφθαλμοι ημω̅
34 ϲπλαγχνιϲθειϲ δε ο ι̅ϲ̅ ηψατο αυτων των ομματων και ευθεωϲ ανεβλεψαν και ηκολουθηϲαν αυτω
Нашли в тексте ошибку? Выделите её и нажмите: Ctrl + Enter

Евангелие от Матфея, 20 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΜΑΤΘΑΙΟΝ 20 ΚΕΦΆΛΑΙΟ в переводах:
ΜΑΤΘΑΙΟΝ 20 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.