1 και εξελθων ο ι̅ϲ̅ εκ του ιερου επορευετο και προϲηλθον οι μαθηται αυτου επιδειξαι αυτω ταϲ οικοδομαϲ του ιερου
2 ο δε αποκριθειϲ ειπεν αυτοιϲ ου βλεπετε ταυτα παντα αμην λεγω υμιν ου μη αφεθη ωδε λιθοϲ επι λιθον οϲ ου καταλυθηϲεται
3 καθημενου δε αυτου επι του ορουϲ των ελαιων προϲηλθον αυτω οι μαθηται καθ ιδιαν λεγοντεϲ ειπε ημιν ποτε ταυτα εϲται και τι το ϲημειον τηϲ ϲηϲ παρουϲιαϲ και ϲυντελειαϲ του αιωνοϲ
4 και αποκριθειϲ ο ι̅ϲ̅ ειπεν αυτοιϲ βλεπετε μη τιϲ υμαϲ πλανηϲη
5 πολλοι γαρ ελευϲονται επι τω ονοματι μου λεγοντεϲ εγω ειμι ο χ̅ϲ̅ και πολλουϲ πλανηϲουϲιν
6 {μελληϲεται} [46] δε ακουειν πολεμουϲ και ακοαϲ πολεμων ορατε μη θροειϲθε δει γαρ γενεϲθαι αλλ ουπω εϲτιν το τελοϲ
7 εγερθηϲεται γαρ εθνοϲ επι εθνοϲ και βαϲιλεια επι βαϲιλειαν και εϲο̅ται λειμοι και ϲειϲμοι κατα τοπουϲ
8 παντα δε ταυτα αρχη ωδεινων
9 τοτε παραδωϲουϲιν υμαϲ ειϲ θλειψιν και αποκτενουϲιν υμαϲ και εϲεϲθε μειϲουμενοι υπο παντω̅ των εθνων δια το ονομα μου
10 και τοτε ϲκανδαλιϲθηϲονται πολλοι και αλληλουϲ παραδωϲουϲιν και μειϲηϲουϲιν αλληλουϲ
11 και πολλοι ψευδοπροφηται εγερθηϲονται και πλανηϲουϲιν πολλουϲ
12 και δια το πληθυνθηναι την ανομιαν ψυγηϲεται η αγαπη των πολλων
13 ο δε υπομειναϲ ειϲ τελοϲ ουτοϲ ϲωθηϲεται
14 και κηρυχθηϲεται τουτο το ευαγγελιον τηϲ βαϲιλειαϲ εν ολη τη οικουμενη ειϲ μαρτυριον παϲιν τοιϲ εθνεϲιν και τοτε ηξει το τελοϲ
15 οταν ουν ιδητε το βδελυγμα τηϲ ερημωϲεωϲ το ρηθεν δια δανιηλ του προφητου εϲτοϲ εν τοπω αγιω ο αναγινωϲκω̅ νοειτω
16 τοτε οι εν τη ιουδαια φευγετωϲα̅ ειϲ τα ορη
17 ο επι του δωματοϲ μη καταβατω αραι τα εκ τηϲ οικιαϲ αυτου
18 και ο εν τω αγρω μη επιϲτρεψατω οπιϲω αραι το ιματιο̅ αυτου
19 ουαι δε ταιϲ εν γαϲτρι εχουϲαιϲ και ταιϲ θηλαζουϲαιϲ εν εκειναιϲ ταιϲ ημεραιϲ
20 προϲευχεϲθε δε ινα μη γενηται η φυγη υμων χειμωνοϲ μηδε ϲαββατω
21 εϲται γαρ τοτε θλειψιϲ μεγαλη οια ου γεγονεν απ αρχηϲ κοϲμου εωϲ του νυν ουδ ου μη γενηται
22 και ει μη εκολοβωθηϲαν αι ημεραι εκειναι ουκ α̅ εϲωθη παϲα ϲαρξ δια δε τουϲ εκλεκτουϲ κολοβωθηϲονται αι ημεραι εκειναι
23 τοτε εαν τιϲ υμιν ειπη ιδου ωδε ο χ̅ϲ̅ η ωδε μη πιϲτευετε
24 εγερθηϲονται γαρ ψευδοχρειϲτοι και ψευδοπροφηται και δωϲουϲιν ϲημεια μεγαλα και τερατα ωϲτε πλανηϲαι ει δυνατο̅ και τουϲ εκλεκτουϲ
25 ιδου προειρηκα υμιν
26 εαν ουν ειπωϲιν υμι̅ ιδου εν τη ερημω εϲτιν μη εξελθητε ιδου εν τοιϲ ταμειοιϲ μη πιϲτευϲητε
27 ωϲπερ γαρ η αϲτραπη εξερχεται απο ανατολων και φαινεται εωϲ δυϲμων ουτωϲ εϲται η παρουϲια του υιου του ανθρωπου
28 οπου εαν η το πτωμα εκει ϲυναχθηϲονται οι αετοι
29 ευθεωϲ δε μετα την θλειψιν των ημερων εκεινων ο ηλιοϲ ϲκοτιϲθηϲεται και η ϲεληνη ου δωϲει το φεγγοϲ αυτηϲ και οι αϲτερεϲ πεϲουνται απο του ουρανου και αι δυναμειϲ των ουρανων ϲαλευθηϲονται
30 και τοτε φανηϲεται το ϲημειο̅ του υιου του ανθρωπου εν ουρανω και τοτε κοψονται παϲαι αι φυλαι τηϲ γηϲ και οψονται τον υιον του ανθρωπου ερχομενον επι των νεφελων του ουρανου μετα δυναμεωϲ και δοξηϲ πολληϲ
31 και αποϲτελει τουϲ αγγελουϲ αυτου μετα ϲαλπιγγοϲ φωνηϲ μεγαληϲ και επιϲυναξουϲιν τουϲ εκλεκτουϲ αυτου εκ των τεϲϲαρων ανεμων απ ακρων ουρανων εωϲ των ακρω̅ αυτων
32 απο δε τηϲ ϲυκηϲ μαθετε την παραβολην οταν ηδη ο κλαδοϲ αυτηϲ γενηται απαλοϲ και τα φυλλα εκφυη γεινωϲκετε οτι εγγυϲ το θεροϲ
33 ουτωϲ και υμειϲ οταν ιδητε παντα ταυτα γεινωϲκετε οτι εγγυϲ εϲτιν επι θυραιϲ
34 αμην λεγω υμιν οτι ου μη παρελθη η γενεα αυτη εωϲ αν παντα ταυτα γενηται
35 ο ουρανοϲ και η γη παρελευϲεται οι δε λογοι μου ου μη παρελθωϲιν
36 περι δε τηϲ ημεραϲ εκεινηϲ και ωραϲ ουδειϲ οιδε̅ ουδε οι αγγελοι των ουρανων ουδε ο υιοϲ ει μη ο πατηρ μονοϲ
37 ωϲπερ γαρ αι ημεραι του νωε ουτωϲ εϲται η παρουϲια του υιου του ανθρωπου
38 ωϲ γαρ ηϲα̅ εν ταιϲ ημεραιϲ εκειναιϲ ταιϲ προ του κατακλυϲμου τρωγοντεϲ και πεινοντεϲ γαμουντεϲ και γαμιϲκο̅τεϲ αχρι ηϲ ημεραϲ ειϲηλθεν νωε ειϲ την κειβωτον
39 και ουκ εγνωϲαν εωϲ ηλθεν ο κατακλυϲμοϲ και ηρεν απα̅ταϲ ουτωϲ εϲται η παρουϲια του υιου του α̅θρωπου
40 τοτε εϲονται δυο εν τω αγρω ειϲ παραλαμβανεται και ειϲ αφιεται
41 δυο αληθουϲαι εν τω μυλω μια παραλαμβανεται και μια αφιεται
42 γρηγορειτε ουν οτι ουκ οιδατε ποια ημερα ο κ̅ϲ̅ υμων ερχεται
43 εκεινο δε γεινωϲκετε οτι ει ηδει ο οικοδεϲποτηϲ ποια φυλακη ο κλεπτηϲ ερχεται εγρηγορηϲεν αν και ουκ αν ειαϲεν διορυγηναι την οικιαν αυτου
44 δια τουτο και υμειϲ γεινεϲθε ετοιμοι οτι η ου δοκειτε ωρα ο υιοϲ του α̅θρωπου ερχεται
45 τιϲ αρα εϲτιν ο πιϲτοϲ δουλοϲ και φρονιμοϲ ον κατεϲτηϲεν ο κ̅ϲ̅ επι τηϲ οικετειαϲ αυτου του δουναι αυτοιϲ την τροφην εν καιρω
46 μακαριοϲ ο δουλοϲ εκεινοϲ ον ελθων ο κ̅ϲ̅ αυτου ευρηϲει ουτωϲ ποιουντα
47 αμην λεγω υμιν οτι επι παϲι τοιϲ υπαρχουϲιν αυτου καταϲτηϲει αυτον
48 εαν δε ειπη ο κακοϲ δουλοϲ εκεινοϲ εν τη καρδια αυτου χρονιζει μου ο κ̅ϲ̅
49 και αρξηται τυπτειν τουϲ ϲυ̅δουλουϲ αυτου εϲθιη δε και πεινη μετα τω̅ μεθυοντων
50 ηξει ο κ̅ϲ̅ του δουλου εκεινου εν ημερα η ου προϲδοκα και εν ωρα η ου γεινωϲκει
51 και διχοτομηϲει αυτον και το μεροϲ αυτου μετα των υποκριτων θηϲει εκει εϲται ο κλαυθμοϲ και ο βρυγμοϲ των οδοντων
Примечания:
6 [46] {μελληϲετε}
Нашли в тексте ошибку? Выделите её и нажмите:
Ctrl + Enter
Евангелие от Матфея, 24 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.