1 πρωιαϲ δε γομενηϲ ϲυμβουλιον ελαβον παντεϲ οι αρχιερειϲ και οι πρεϲβυτεροι του λαου κατα του ι̅υ̅ ωϲτε θανατωϲαι αυτον
2 και δηϲαντεϲ αυτον απηγαγον και παρεδωκαν πειλατω τω ηγεμονι
3 τοτε ιδων ιουδαϲ ο παραδουϲ αυτον οτι κατεκριθη μεταμεληθειϲ εϲτρεψεν τα τριακο̅τα αργυρια τοιϲ αρχιερευϲιν και πρεϲβυτεροιϲ
4 λεγων ημαρτον παραδουϲ αιμα {αθωο̅}[53] οι δε ειπον τι προϲ ημαϲ ϲυ οψη
5 και ριψαϲ τα αργυρια ειϲ τον ναον ανεχωρηϲεν και απελθω̅ απηγξατο
6 οι δε αρχιερειϲ λαβοντεϲ τα αργυρια ειπαν ουκ εξεϲτι̅ βαλειν αυτα ειϲ τον κορβαν επει τιμη αιματοϲ εϲτιν
7 ϲυμβουλιον δε λαβοντεϲ ηγοραϲαν εξ αυτων τον αγρον του κεραμεωϲ ειϲ ταφην τοιϲ ξενοιϲ
8 διο εκληθη ο αγροϲ εκεινοϲ αγροϲ αιματοϲ εωϲ τηϲ ϲημερον
9 τοτε επληρωθη το ρηθεν δια ιερεμιου του προφητου λεγοντοϲ και ελαβον τα τριακοντα αργυρια την τιμην του {τετιμημενου}[54] ον ετειμηϲαντο απο υιων ιϲραηλ
10 και εδωκα̅ αυτα ειϲ τον αγρον του κεραμεωϲ καθα ϲυνεταξεν μοι κ̅ϲ̅
11 ο δε ι̅ϲ̅ εϲταθη εμπροϲθεν του ηγεμονοϲ και επηρωτηϲεν αυτον ο ηγεμω̅ λεγων ϲυ ει ο βαϲιλευϲ των ιουδαιων ο δε ι̅ϲ̅ εφη αυτω ϲυ λεγειϲ
12 και εν τω κατηγορειϲθαι αυτον υπο των αρχιερεων και {}[55] πρεϲβυτερων ουδεν απεκρεινατο
13 τοτε λεγει αυτω ο πειλατοϲ ουκ ακουειϲ {οϲα}[56] ϲου καταμαρτυρουϲιν
14 και ουκ απεκριθη αυτω προϲ ουδε εν ρημα ωϲτε θαυμαζειν τον ηγεμονα λια̅
15 κατα δε εορτην ειωθει ο ηγεμων απολυει̅ ενα τω οχλω δεϲμιον ον ηθελον
16 ειχον δε τοτε δεϲμιον επιϲημο̅ λεγομενον βαραββαν
17 ϲυνηγμενων ουν αυτων ειπεν αυτοιϲ ο πειλατοϲ τινα θελετε απολυϲω υμιν τον βαραββαν η ι̅ν̅ τον λεγομενο̅ χ̅ν̅
18 ηδει γαρ οτι δια φθονον παρεδωκαν αυτο̅
19 καθημενου δε αυτου επι του βηματοϲ απεϲτειλεν προϲ αυτον η γυνη αυτου λεγουϲα μηδεν ϲοι και τω δικαιω εκεινω πολλα γαρ επαθον ϲημερον κατ οναρ δι αυτον
20 οι δε αρχιερειϲ και οι πρεϲβυτεροι επειϲαν τουϲ οχλουϲ ινα αιτηϲωνται τον βαραββαν τον δε ι̅ν̅ απολεϲωϲιν
21 αποκριθειϲ δε ο ηγεμων ειπεν αυτοιϲ τινα θελετε απο των δυο απολυϲω υμι̅ οι δε ειπον τον βαραββαν
22 λεγει αυτοιϲ ο πειλατοϲ τι ουν ποιηϲω ι̅ν̅ τον λεγομενον χ̅ν̅ λεγουϲιν παντεϲ ϲταυρωθητω
23 ο δε εφη τι γαρ κακον εποιηϲεν οι δε περιϲϲωϲ εκραζο̅ λεγοντεϲ ϲταυρωθητω
24 ιδων δε ο πειλατοϲ οτι ουδεν ωφελει αλλα μαλλον θορυβοϲ γεινεται λαβων υδωρ απενιψατο ταϲ χειραϲ κατεναντι του οχλου λεγων αθωοϲ ειμι απο του αιματοϲ τουτου υμειϲ οψεϲθε
25 και αποκριθειϲ παϲ ο λαοϲ ειπε̅ το αιμα αυτου εφ ημαϲ και επι τα τεκνα ημω̅
26 τοτε απελυϲεν αυτοιϲ τον βαραββαν τον δε ι̅ν̅ φραγελλωϲαϲ παρεδωκεν ινα ϲταυρωθη
27 τοτε οι ϲτρατιωται του ηγεμονοϲ παραλαβοντεϲ τον ι̅ν̅ ειϲ το πραιτωριον ϲυνηγαγον επ αυτον ολην την ϲπειραν
28 και ενδυϲαντεϲ αυτον χλαμυδα κοκκινη̅ περιεθηκαν αυτω
29 και πλεξαντεϲ ϲτεφανο̅ εξ ακανθων περιεθηκαν επι τηϲ κεφαληϲ αυτου και καλαμον ε̅ τη δεξια αυτου και γονυπετηϲαντεϲ εμπροϲθεν αυτου ενεπαιξαν αυτω λεγοντεϲ χαιρε βαϲιλευ των ιουδαιων
30 και εμπτυϲαντεϲ ειϲ αυτον ελαβον τον καλαμον και ετυπτον ειϲ την κεφαλη̅ αυτου
31 και οτε ενεπαιξαν αυτω εξεδυϲαν αυτον την χλαμυδα και ενεδυϲαν αυτον τα ιματια αυτου και απηγαγον αυτον ειϲ το ϲταυρωϲαι
32 εξερχομενοι δε ευρον ανθρωπον κυρηναιον ονοματι ϲιμωνα τουτον ηγγαρευϲαν ινα αρη τον ϲταυρον αυτου
33 και ελθοντεϲ ειϲ τον τοπον το̅ λεγομενον γολγοθα ο εϲτιν κρανιου τοποϲ λεγομενοϲ
34 εδωκαν αυτω πιειν οινον μετα χοληϲ μεμειγμενον και γευϲαμενοϲ ουκ ηθεληϲεν πιειν
35 ϲταυρωϲα̅τεϲ δε αυτον {διεμεριϲα̅}[57] τα ιματια αυτου βαλλο̅τεϲ κληρον
36 και καθημενοι ετηρουν αυτον εκει
37 και επεθηκαν επανω τηϲ κεφαληϲ αυτου την αιτιαν αυτου γεγραμμενην ουτοϲ εϲτιν ι̅ϲ̅ ο βαϲιλευϲ τω̅ ιουδαιων
38 τοτε ϲταυρουνται ϲυν αυτω δυο ληϲται ειϲ εκ δεξιω̅ και ειϲ εξ ευωνυμων
39 οι δε παραπορευομενοι εβλαϲφημουν αυτο̅ κεινουντεϲ ταϲ κεφαλαϲ αυτων
40 και λεγοντεϲ ο καταλυων τον ναον και εν τριϲιν ημεραιϲ οικοδομων ϲωϲο̅ ϲεαυτον ει υιοϲ θ̅υ̅ ει καταβηθι απο του ϲταυρου
41 ομοιωϲ και οι αρχιερειϲ εμπαιζοντεϲ μετα των γραμματεων και πρεϲβυτερων ελεγον
42 αλλουϲ εϲωϲεν εαυτον ου δυναται ϲωϲαι βαϲιλευϲ ιϲραηλ εϲτιν καταβατω νυν απο του ϲταυρου και πιϲτευϲομεν επ αυτο̅
43 πεποιθεν επι τω θ̅ω̅ ρυϲαϲθω νυν ει θελει αυτον ειπεν γαρ οτι θ̅υ̅ ειμι υιοϲ
44 το δ αυτο και οι ληϲται οι ϲυνϲταυρωθεντεϲ ϲυν αυτω ωνειδιζον αυτον
45 απο δε εκτηϲ ωραϲ ϲκοτοϲ εγενετο επι παϲαν τη̅ γην ε ωραϲ ενατηϲ
46 περι δε την ενατην ωραν εβοηϲεν ο ι̅ϲ̅ φωνη μεγαλη λεγων ελωει ελωει λεμα ϲαβακθανει τουτ εϲτιν θεε μου θεε μου ινα τι με εγκατελιπεϲ
47 τινεϲ δε των εκει εϲτηκοτων ακουϲαντεϲ ελεγον οτι ηλειαν φωνει ουτοϲ
48 και ευθεωϲ δραμων ειϲ εξ αυτων και λαβων ϲπογγον πληϲαϲ τε οξουϲ και περιθειϲ καλαμω εποτιζε̅ αυτον
49 οι δε λοιποι ειπαν αφεϲ ιδωμεν ει ερχεται ηλειαϲ ϲωϲων αυτον αλλοϲ δε λαβω̅ λογχην ενυξεν αυτου την πλευραν και εξηλθεν υδωρ και αιμα
50 ο δε ι̅ϲ̅ παλιν κραξαϲ φωνη μεγαλη αφηκεν το π̅ν̅α̅
51 και ιδου το καταπεταϲμα του ναου εϲχιϲθη απ ανωθεν εωϲ κατω ειϲ δυο και η γη εϲειϲθη και αι πετραι εϲχιϲθηϲαν
52 και τα μνημεια ανεωχθηϲαν και πολλα ϲωματα των κεκοιμημενων αγιων ηγερθηϲαν
53 και εξελθοντεϲ εκ των μνημειων μετα την εγερϲιν αυτου ειϲηλθον ειϲ την αγιαν πολιν και ενεφανιϲθηϲαν πολλοιϲ
54 ο δε εκατονταρχοϲ και οι μετ αυτου τηρουντεϲ τον ι̅ν̅ ιδοντεϲ τον ϲειϲμον και τα γεινομενα εφοβηθηϲαν ϲφοδρα λεγοντεϲ αληθωϲ υιοϲ θ̅υ̅ ην ουτοϲ
55 ηϲαν δε εκει γυναικεϲ πολλαι απο μακροθεν θεωρουϲαι αιτινεϲ ηκολουθηϲαν τω ι̅υ̅ απο τηϲ γαλειλαιαϲ διακονουϲαι αυτω
56 εν αιϲ ην μαρια η μαγδαληνη και μαρια η του ιακωβου και ιωϲη μητηρ και η μητηρ των υιων ζεβεδαιου
57 οψιαϲ δε γενομενηϲ ηλθεν ανθρωποϲ πλουϲιοϲ απο αριμαθαιαϲ τουνομα ιωϲηφ οϲ και αυτοϲ εμαθητευϲεν τω ι̅υ̅
58 ουτοϲ προϲελθω̅ τω πειλατω ητηϲατο το ϲωμα του ι̅υ̅ τοτε ο πειλατοϲ εκελευϲε̅ αποδοθηναι
59 και λαβω̅ το ϲωμα ο ιωϲηφ ενετυλιξεν αυτο εν ϲινδονι καθαρα
60 και εθηκε̅ αυτο εν τω καινω αυτου μνημειω ο ελατομηϲεν εν τη πετρα και προϲκυλιϲαϲ λιθον μεγαν τη θυρα του μνημειου απηλθεν
61 ην δε εκει μαριαμ η μαγδαληνη και η αλλη μαρια καθημεναι απεναντι του ταφου
62 τη δε επαυριον ητιϲ εϲτιν μετα τη̅ παραϲκευην ϲυνηχθηϲαν οι αρχιερειϲ και οι φαρειϲαιοι προϲ πειλατον
63 λεγοντεϲ κ̅ε̅ εμνηϲθημεν οτι εκεινοϲ ο πλανοϲ ειπεν ετι ζω̅ μετα τρειϲ ημεραϲ εγειρομαι
64 κελευϲον ου̅ αϲφαλιϲθηναι τον ταφον εωϲ τηϲ τριτηϲ ημεραϲ μηποτε ελθο̅τεϲ οι μαθηται κλεψωϲιν αυτον και ειπωϲι τω λαω ηγερθη απο τω̅ νεκρων και εϲται η εϲχατη πλανη χειρω̅ τηϲ πρωτηϲ
65 εφη αυτοιϲ ο πειλατοϲ εχετε ϲκουϲτωδιαν υπαγετε αϲφαλιϲαϲθε ωϲ οιδατε
66 οι δε πορευθεντεϲ ηϲφαλιϲαντο το̅ ταφον ϲφραγιϲαντεϲ τον λιθον μετα τηϲ κουϲτωδιαϲ