ΚΑΙΝΉ ΔΙΑΘΉΚΗ » Codex 01 Синайский кодекс — 4 век

ΜΑΤΘΑΙΟΝ 17 ΚΑΤΑ ΜΑΤΘΑΙΟΝ 17 ΚΕΦΆΛΑΙΟ

1 και μεθ ημεραϲ εξ παραλαμβανει ο ι̅ϲ̅ τον πετρον και τον ιακωβον και ιωανην τον αδελφον αυτου και αναφερει αυτουϲ ειϲ οροϲ υψηλον κατ ιδιαν
2 και μετεμορφωθη εμπροϲθε̅ αυτων και ελαμψε̅ το προϲωπον αυτου ωϲ ο ηλιοϲ τα δε ιματια αυτου εγενετο λευκα ωϲ το φωϲ
3 και ιδου ωφθη αυτοιϲ μωυϲηϲ και ηλειαϲ ϲυ̅λαλουντεϲ μετ αυτου
4 αποκριθειϲ δε ο πετροϲ ειπεν τω ι̅υ̅ κ̅ε̅ καλον εϲτιν ημαϲ ωδε ειναι ει θελειϲ ποιηϲω ωδε τρειϲ ϲκηναϲ ϲοι μια̅ και μωυϲει μιαν και ηλεια μιαν
5 ετι αυτου λαλουντοϲ ιδου νεφελη φωτεινη επεϲκιαϲεν αυτουϲ και ιδου φωνη εκ τηϲ νεφεληϲ λεγουϲα ουτοϲ εϲτιν ο υιοϲ μου ο αγαπητοϲ εν ω ευδοκηϲα ακουετε αυτου
6 και ακουϲαντεϲ οι μαθηται επεϲαν επι προϲωπον αυτων ϗ εφοβηθηϲαν ϲφοδρα
7 και προϲηλθε̅ ο ι̅ϲ̅ και αψαμενοϲ αυτων ειπεν εγερθητε και μη φοβειϲθε
8 επαραντεϲ δε τουϲ οφθαλμουϲ αυτων ουδενα ειδον ει μη ι̅ν̅ αυτο̅ μονον
9 και καταβαινοντων αυτω̅ εκ του ορουϲ ενετειλατο αυτοιϲ ο ι̅ϲ̅ λεγων μηδενι ειπητε το οραμα εωϲ ου ο υιοϲ του α̅ν̅ο̅υ̅ εκ νεκρων αναϲτη
10 και {πηρωτηϲαν} [244] αυτον οι μαθηται λεγοντεϲ τι ουν οι γραμματειϲ λεγουϲιν οτι ηλειαν δει ελθειν πρωτον
11 ο δε αποκριθειϲ ειπε̅ αυτοιϲ οτι ηλειαϲ μεν ερχεται και αποκαταϲτηϲει πα̅τα
12 λεγω δε υμιν οτι ηλειαϲ ηδη ηλθεν και ουκ επεγνωϲαν αυτον αλλ εποιηϲαν αυτω οϲα ηθεληϲαν ουτωϲ και ο υιοϲ του ανθρωπου μελλει παϲχειν υπ αυτω̅
13 τοτε ϲυνηκαν οι μαθηται οτι περι ιωανου του βαπτιϲτου ειπεν αυτοιϲ
14 και ελθοντω̅ προϲ τον οχλον προϲηλθεν αυτω ανθρωποϲ γονυπετων αυτον
15 και λεγων ελεηϲον μου τον υιον οτι ϲεληνιαζεται και κακωϲ εχει πολλακιϲ γαρ πιπτει ειϲ το πυρ ϗ πολλακιϲ ειϲ το υδωρ
16 και προϲηνεγκα αυτον τοιϲ μαθηταιϲ ϲου και ουκ ηδυνηθηϲαν αυτον θεραπευϲαι
17 ο δε αποκριθειϲ ειπεν αυτοιϲ ω γενεα απιϲτοϲ και διεϲτραμμενη εωϲ ποτε μεθ υμων εϲομαι εωϲ ποτε ανεξομαι υμων φερετε μοι αυτον ωδε
18 και επετιμηϲεν αυτω ο ι̅ϲ̅ και εξηλθεν απ αυτου το δαιμονιον και εθεραπευθη απο τηϲ ωραϲ εκεινηϲ
19 τοτε προϲελθοντεϲ οι μαθηται τω ι̅υ̅ κατ ιδιαν ειπαν δια τι ημειϲ ουκ ηδυνηθημεν εκβαλειν αυτο
20 ο δε λεγει αυτοιϲ δια τη̅ ολιγοπιϲτιαν υμω̅ αμην γαρ λεγω υμι̅ εαν εχητε πιϲτιν ωϲ κοκκον ϲιναπεωϲ ερειτε τω ορει τουτω μεταβα ενθεν εκει και μεταβηϲεται και ουδεν αδυνατηϲει υμιν
21 [отсутствует]
22 ϲυϲτρεφομενων δε αυτω̅ εν τη γαλειλαια ειπεν αυτοιϲ ο ι̅ϲ̅ μελλει ο υιοϲ του α̅ν̅ο̅υ̅ παραδιδοϲθαι ειϲ χειραϲ ανθρωπω̅
23 και αποκτενουϲιν αυτον και τη τριτη ημερα εγερθηϲεται και ελυπηθηϲαν ϲφοδρα
24 ελθοντων δε αυτων ειϲ καφαρναουμ προϲηλθον οι {τα} [245] διδραχμα λαμβανοντεϲ τω πετρω και ειπον ο διδαϲκαλοϲ υμω̅ ου τελει διδραχμα
25 λεγει ναι και ειϲελθοντα ειϲ την οικιαν προεφθαϲεν αυτον ο ι̅ϲ̅ λεγων τι ϲοι δοκει ϲιμων οι βαϲιλειϲ τηϲ γηϲ απο τινων λαμβανουϲιν τελη η κηνϲον απο των υιων αυτω̅ η απο των αλλοτριων
26 ο δε εφη απο των αλλοτριω̅ ειποντοϲ δε απο των αλλοτριων εφη αυτω ο ι̅ϲ̅ αρα γε ελευθεροι ειϲιν οι υιοι
27 ινα δε μη ϲκανδαλιζωμεν αυτουϲ πορευθειϲ ειϲ θαλαϲϲαν βαλε αγκιϲτρον και τον αναβαντα πρωτο̅ ιχθυν αρον και ανοιξαϲ το ϲτομα αυτου ευρηϲειϲ ϲτατηρα εκεινον λαβων δοϲ αυτοιϲ αντι εμου και ϲου

Примечания:

10  [244] {επηρωτηϲαν}
24  [245] {τα}

Нашли в тексте ошибку? Выделите её и нажмите: Ctrl + Enter

Евангелие от Матфея, 17 ΚΕΦΆΛΑΙΟ. Синайский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 17 ΚΕΦΆΛΑΙΟ в переводах:
ΜΑΤΘΑΙΟΝ 17 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.