1 πρωιαϲ δε γενομενηϲ ϲυμβουλιον ελαβον πα̅τεϲ οι αρχιεριϲ και οι πρεϲβυτεροι του λαου κατα του ι̅υ̅ ωϲτε θανατωϲαι αυτον
2 και δηϲαντεϲ αυτον απηγαγον και παρεδωκαν πιλατω τω ηγεμονι
3 τοτε ιδων ιουδαϲ ο παραδιδουϲ αυτον οτι κατεκριθη μετεμεληθη και εϲτρεψεν τα λ̅ αργυρια τοιϲ αρχιερευϲι και πρεϲβυτεροιϲ
4 λεγω̅ ημαρτον παραδουϲ αιμα αθωον οι δε ειπον τι προϲ ημαϲ ϲυ οψη
5 και ριψαϲ τα λ̅ αργυρια ειϲ τον ναον ανεχωρηϲεν και απελθων απηγξατο
6 οι δε αρχιερειϲ λαβοντεϲ τα αργυρια ειπον ουκ εξεϲτι̅ βαλιν αυτα ειϲ το̅ κορβαναν επι τιμη αιματοϲ εϲτι̅
7 ϲυμβουλιον δε λαβοντεϲ ηγοραϲαν εξ αυτων τον αγρο̅ του κεραμεωϲ ειϲ ταφην τοιϲ ξενοιϲ
8 διο εκληθη ο αγροϲ εκινοϲ αγροϲ αιματοϲ εωϲ τηϲ ϲημερον
9 και επληρωθη το ρηθεν δια ιερεμιου του προφητου λεγοντοϲ και ελαβον τα λ̅ αργυρια τη̅ τιμην του τετιμημενου ον ετιμηϲαντο απο υιων ι̅η̅λ̅
10 και εδωκα αυτα ειϲ τον αγρον του κεραμεωϲ καθα ϲυνεταξεν μοι κ̅ϲ̅
11 ο δε ι̅ϲ̅ εϲταθη εμπροϲθεν του ηγεμονοϲ και επηρωτηϲεν αυτον {} [305] ηγεμων λεγων ϲυ ει ο βαϲιλευϲ των ιουδαιων ο δε ι̅ϲ̅ εφη ϲυ λεγιϲ
12 και εν τω κατηγοριϲθε αυτον υπο των αρχιερεων και πρεϲβυτερω̅ ουδεν απεκρινατο
13 τοτε λεγι αυτω ο πιλατοϲ ουκ ακουειϲ ποϲα ϲου καταμαρτυρουϲιν
14 και ουκ απεκριθη αυτω προϲ ουδε εν ρημα ωϲτε θαυμαζι̅ τον ηγεμονα λια̅
15 κατα δε εορτην ειωθει ο ηγεμων απολυειν ενα τω οχλω δεϲμιον ο̅ παρητουντο
16 ειχο̅ δε {τον τε} [306] δεϲμιον επιϲημον λεγομενον βαραββαν
17 ϲυνηγμενων ουν αυτων ειπεν αυτοιϲ {ο} [307] πιλατοϲ τινα θελετε απολυϲω υμι̅ βαραββαν η ι̅ν̅ τον λεγομενον χ̅ν̅
18 ηδι γαρ οτι δια φθονο̅ παρεδωκαν αυτο̅
19 καθημενου δε αυτου επι του βηματοϲ απεϲτιλεν προϲ αυτον η γυνη αυτου λεγουϲα μηδεν ϲοι και τω δικαιω εκινω πολλα γαρ επαθον ϲημερον κατ οναρ δι αυτον
20 οι δε αρχιεριϲ και οι πρεϲβυτεροι επιϲα̅ τουϲ οχλουϲ ινα αιτηϲωνται τον βαραββαν τον δε ι̅ν̅ απολεϲωϲιν
21 αποκριθειϲ δε ο ηγεμων ειπεν αυτοιϲ τινα θελετε απο των β̅ απολυϲω υμιν οι δε ειπο̅ τον βαραββαν
22 λεγι αυτοιϲ ο πιλατοϲ τι ουν ποιηϲω ι̅ν̅ τον λεγομενον χ̅ν̅ λεγουϲιν παντεϲ ϲταυρωθητω
23 ο δε εφη τι γαρ κακο̅ εποιηϲεν οι δε περιϲϲω εκραζον λεγοντεϲ ϲταυρωθητω
24 ιδων δε ο πιλατοϲ οτι ουδεν ωφελι αλλα μαλλον θορυβοϲ γεινεται λαβω̅ υδωρ απενιψατο ταϲ χιραϲ απεναντι του οχλου λεγων αθωοϲ ειμι απο του αιματοϲ του δικαιου τουτου υμειϲ δε οψεϲθαι
25 και αποκριθιϲ παϲ ο λαοϲ ειπεν το αιμα αυτου εφ ημαϲ και επι τα τεκνα ημων
26 τοτε απελυϲεν αυτοιϲ τον βαραββαν τον δε ι̅ν̅ φραγελλωϲαϲ παρεδωκεν ινα ϲταυρωθη
27 τοτε οι ϲτρατιωται του ηγεμονοϲ παραλαβοντεϲ τον ι̅ν̅ ειϲ το πραιτωριον ϲυνηγαγον επ αυτο̅ ολην την ϲπιραν
28 και εκδυϲαντεϲ αυτον χλαμυδα κοκκινην περιεθηκα̅ αυτω
29 και πλεξαντεϲ ϲτεφανον εξ ακανθων επεθηκαν επι τηϲ κεφαληϲ αυτου και καλαμον εν τη δεξια αυτου και γονυπετηϲαντεϲ εμπροϲθεν αυτου ενεπεξαν αυτω λεγοντεϲ χαιρε ο βαϲιλευϲ των ιουδαιων
30 και εμπτυϲαντεϲ ειϲ αυτον ελαβον τον καλαμον και ετυπτο̅ ειϲ την κεφαλην αυτου
31 και οτε ενεπεξαν αυτω εκδυϲα̅τεϲ αυτον την χλαμυδα ενεδυϲαν αυτον τα ιματια αυτου και απηγαγον αυτον ειϲ το ϲταυρωϲαι
32 εξερχομενοι δε ευρον α̅ν̅ο̅ν̅ κυρηνεον ονοματι ϲιμωνα τουτον ηγγαρευϲαν ινα αρη τον ϲταυρον αυτου
33 και ελθοντεϲ ειϲ τοπον γολγοθα ο εϲτιν κρανιου τοποϲ λεγομενοϲ
34 εδωκαν αυτω πιν οινο̅ μετα χοληϲ μεμιγμενον και γευϲαμενοϲ ουκ ηθεληϲεν πιν
35 ϲταυρωϲα̅τεϲ δε αυτον διεμεριϲαντο τα ιματια αυτου βαλοντεϲ κληρον
36 και καθημενοι ετηρουν αυτον εκει
37 και επεθηκαν επανω τηϲ κεφαληϲ αυτου την αιτιαν αυτου γεγραμμενην ουτοϲ εϲτιν ι̅ϲ̅ ο βαϲιλευϲ των ιουδεων
38 τοτε ϲταυρουνται ϲυν αυτω δυο ληϲτε ειϲ εκ δεξιων και ειϲ εξ ευωνυμω̅
39 οι δε παραπορευομενοι εβλαϲφημουν αυτον κινου̅τεϲ ταϲ κεφαλαϲ αυτων
40 και λεγοντεϲ ο καταλυων τον ναον και εν τριϲιν ημεραιϲ οικοδομω̅ ϲωϲον ϲεαυτον ει υιοϲ ει του θ̅υ̅ και καταβηθι απο του ϲταυρου
41 ομοιωϲ οι αρχιεριϲ εμπεζοντεϲ μετα των πρεϲβυτερω̅ και γραμματαιω̅ ελεγον
42 αλλουϲ εϲωϲεν εαυτον ου δυναται ϲωϲαι βαϲιλευϲ ι̅η̅λ̅ εϲτιν καταβατω νυν απο του ϲταυρου και πιϲτευϲωμε̅ επ αυτον
43 πεποιθεν επι τον θ̅ν̅ ρυϲαϲθω νυν ει θελι αυτον ειπε̅ γαρ οτι θεου ειμι υ̅ϲ̅
44 το δ αυτο και οι ληϲται οι ϲυνϲταυρωθεντεϲ ϲυν αυτω ωνειδιζο̅ αυτον
45 απο δε εκτηϲ ωραϲ ϲκοτοϲ εγενετο {} [308] εωϲ ωραϲ ενατηϲ
46 περι δε την ενατην ωραν ανεβοηϲεν ο ι̅ϲ̅ φωνη μεγαλη λεγω̅ ελωι ελωι λεμα ϲαβαχθανει τουτ εϲτιν θ̅ε̅ μου θ̅ε̅ μου ινα τι με εγκατελιπεϲ
47 τινεϲ δε των εκει εϲτηκοτων ακουϲαντεϲ ελεγον ηλιαν φωνι ουτοϲ
48 και ευθεωϲ δραμω̅ ειϲ και λαβων ϲπογγον πληϲαϲ τε οξουϲ και περιθειϲ καλαμω εποτιζο̅ αυτον
49 οι δε λοιποι ελεγο̅ αφεϲ ιδωμεν ει ερχεται ηλιαϲ ϲωϲαι αυτον αλλοϲ δε λαβων λογχη̅ ενυξεν αυτου τη̅ πλευραν και εξηλθεν υδωρ και αιμα
50 ο δε ι̅ϲ̅ παλιν κραξαϲ φωνη μεγαλη αφηκεν το π̅ν̅α̅
51 και ιδου το καταπεταϲμα του ναου εϲχιϲθη ειϲ δυο ανωθεν εωϲ κατω και η γη εϲιϲθη και αι πετραι εϲχιϲθηϲαν
52 και πολλα ϲωματα των κεκοιμημενων αγιων ηγερθηϲαν
53 και εξελθοντεϲ εκ των μνημιων μετα την εγερϲιν αυτου ειϲ την αγιαν πολιν ενεφανιϲθηϲαν πολλοιϲ
54 ο δε εκατονταρχηϲ και οι μετ αυτου τηρουντεϲ τον ι̅ν̅ ιδοντεϲ τον ϲιϲμο̅ και τα γενομενα εφοβηθηϲαν ϲφοδρα λεγοντεϲ αληθωϲ υ̅ϲ̅ ην του θ̅υ̅ ουτοϲ
55 ηϲαν δε κακει γυναικεϲ πολλαι απο μακροθεν θεωρουϲαι αιτινεϲ ηκολουθηϲα̅ τω ι̅υ̅ απο τηϲ γαλιλαιαϲ διακονουϲαι αυτω
56 εν αιϲ ην μαρια η του ιακωβου και η μαρια η ιωϲηφ και η μαρια η των υιων ζεβεδεου
57 οψιαϲ δε γενομενηϲ ηλθεν α̅ν̅ο̅ϲ̅ πλουϲιοϲ απο αριμαθαιαϲ τουνομα ιωϲηφ οϲ και αυτοϲ εμαθητευθη τω ι̅υ̅
58 ουτοϲ προϲελθων τω πιλατω ητηϲατο το ϲωμα του ι̅υ̅ τοτε ο πιλατοϲ εκελευϲεν αποδοθηνε
59 και λαβων το ϲωμα ο ιωϲηφ ενετυλιξεν αυτο ϲινδονι καθαρα
60 και εθηκεν εν τω καινω αυτου μνημιω ο ελατομηϲεν εν τη πετρα και προϲκυλιϲαϲ λιθον μεγαν τη θυρα του μνημιου απηλθεν
61 ην δε εκει μαριαμ η μαγδαληνη και η αλλη μαρια καθημενε απεναντι του ταφου
62 τη δε επαυριον ητιϲ εϲτιν μετα τη̅ παραϲκευην ϲυνηχθηϲαν οι αρχιερειϲ και οι φαριϲαιοι προϲ πιλατον
63 λεγοντεϲ κ̅ε̅ εμνηϲθημε̅ οτι εκινοϲ ο πλανοϲ ειπεν ετι ζω̅ μετα τριϲ ημεραϲ εγιρομαι
64 κελευϲον ουν αϲφαλιϲθηναι τον ταφο̅ εωϲ τηϲ τριτηϲ ημεραϲ μηποτε ελθοντεϲ οι μαθηται κλεψουϲιν αυτον και ειπωϲιν τω λαω ηγερθη απο των νεκρων και εϲται η εϲχατη πλανη χειρο̅ τηϲ πρωτηϲ
65 εφη δε αυτοιϲ ο πιλατοϲ εχετε κουϲτωδιαν υπαγετε αϲφαλιϲαϲθαι ωϲ οιδατε
66 οι δε πορευθεντεϲ ηϲφαλιϲα̅το τον ταφον ϲφραγιϲαντεϲ τον λιθο̅ μετα τηϲ κουϲτωδιαϲ
Примечания:
11 [305] {ο}
16 [306] {τοτε}
17 [307] {}
45 [308] {εφ ολην την γην}
Нашли в тексте ошибку? Выделите её и нажмите:
Ctrl + Enter
Евангелие от Матфея, 27 ΚΕΦΆΛΑΙΟ. Синайский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.