1 Сыноў Карэявых. Псальм. Песьня. Угрунтаваньне ягонае (Сыёна) на сьвятых гарах.
2 Любіць Ягова брамы Сыёну больш за ўсе сялібы Якубавыя.
3 Слаўнае гаворыцца пра цябе, места Божае! Зэля.
4 Успамяну Рагаў і Бабілён перад тымі, якія мяне ведаюць; вось! Пілістэя і Тыр з Ятыопіяй (скажуць): гэты нарадзіўся там.
5 А пра Сыён будуць казаць: «той і той нарадзіўся ў ім.» І Найвышэйшы, Ён узмацніць яго.
6 Ягова распавядзе пры перапісу народаў: «гэты народжаны тут». Зэля.
7 І тыя, хто сьпявае, і хто грае, (скажуць): «Усе мае крыніцы ў Табе.»