1 Гэта кніга родаў Адамовых: у дзень, як Бог стварыў чалавека, подле падобнасьці Божае ўчыніў яго.
2 Мужчыну й жонку стварыў іх, і дабраславіў іх, і назваў іх імя: людзіна, у дзень стварэньня іх.
3 І Адам жыў сто трыццаць год, і нарадзіў на падобнасьць сваю і подле абраза свайго, і назваў імя ягонае: Сыф.
4 І былі дні Адамовы, па нараджэньню ягоным Сыфа, асьмісот год, і радзіў сыноў і дачкі.
5 І былі ўсі дні Адамовы, каторыя жыў, дзевяцьсот трыццаць год; і ён памер.
6 І жыў Сыф сто пяць год і нарадзіў Еноса.
7 І жыў Сыф, па ягоным нараджэньню Еноса, асьмісот год, і радзіў сыноў і дачкі.
8 І былі ўсі дні Сыфавы дзевяцьсот двананцаць год; і ён памер.
9 І жыў Енос дзевяцьдзясят год, і нарадзіў Каінана.
10 І жыў Енос, па нараджэньню ягоным Каінана, асьмісот пятнанцаць год, і радзіў сыноў і дачкі.
11 І былі ўсі дні Еносавы дзевяцьсот пяць год; і ён памер.
12 І жыў Каінан семдзясят год, і нарадзіў Магалал’эля.
13 І жыў Каінан, па ягоным нараджэньню Магалал’эля, асьмісот сорак год, і радзіў сыноў і дачкі.
14 І былі ўсі дні Каінановы дзевяцьсот дзесяць год; і ён памер.
15 І жыў Магалал’эль шасьцьдзясят пяць год, і нарадзіў Ярэда.
16 І жыў Магалал’эль, па ягоным нараджэньню Ярэда, асьмісот трыццаць год, і радзіў сыноў і дачкі.
17 І былі ўсі дні Магалал’эля асьмісот дзевяцьдзясят пяць год; і ён памер.
18 І жыў Ярэд сто шасьцьдзясят два гады, і нарадзіў Гэноха.
19 І жыў Ярэд, па нараджэньню ягоным Гэноха, асьмісот год, і радзіў сыноў і дачкі.
20 І былі ўсі дні Ярэдавы дзевяцьсот шасьцьдзясят два гады; і памер.
21 І жыў Гэнох шасьцьдзясят пяць год, і нарадзіў Мафусала.
22 І хадзіў Гэнох із Богам, па нараджэньню Мафусала, трыста год, і радзіў сыноў і дачкі.
23 І былі ўсі дні Гэнохавы трыста шасьцьдзясят пяць год.
24 І хадзіў Гэнох із Богам; і ня было яго болей, бо ўзяў яго Бог.
25 І жыў Мафусал сто асьмідзясят сем год, і нарадзіў Ламеха.
26 І жыў Мафусал, па нараджэньню ягоным Ламеха, сямсот асьмідзясят два гады, і радзіў сыноў і дачкі.
27 І былі ўсі дні Мафусалавы дзевяцьсот шасьцьдзясят дзевяць год; і ён памер.
28 І жыў Ламех сто асьмідзясят два гады, і нарадзіў сына.
29 І назваў імя ягонае: Ной, кажучы: «Гэты пацеша нас ад работы нашае і ад атугі рук нашых ад зямлі, каторую пракляў СПАДАР.
30 І жыў Ламех, па нараджэньню ягоным Ноя, пяцьсот дзевяцьдзясят пяць год, і радзіў сыноў і дачкі.
31 І былі ўсі дні Ламехавы сямсот семдзясят сем год; і ён памер.
32 І было Ною пяцьсот год, і нарадзіў Сэма, Хама а Яфэта.