Псальм 45 — Псалтыр — Біблія — Псалцір Міхаіла Астапчыка

¹ Кіроўцу хору. Сынам Карэя. У тайне. Псалом.

² Бог нам Прытулак і Моц наша,
Памочнік у бядотах, што апанавалі нас вельмі.

³ Таму не напалохаемся, калі сатрасецца зямля,
І горы ператворацца ў марскія глыбіні.

⁴ Шумелі і ўздымаліся воды,
Сатрасаліся горы сілай Яго.

⁵ Плыні рэк увясяляць горад Божы,
Асвяціў сялібу Сваю Вышні.

⁶ Бог пасярод яе і не парушыцца яна,
Бо сам Бог дапамагае тут ад раніцы да раніцы.

⁷ Пазамяшаліся народы, паўхіляліся царства,
Даў голас Свой Вышні, і пахіснулася зямля.

⁸ Бог сілаў з намі,
Заступнік наш Бог Якава.

⁹ Крочце і бачце справы Божыя,
Што Ён сатварыў па ўсёй зямлі.

¹⁰ Ён запыніць войны па ўсіх канцах зямлі,
Панішчыць лукі, і паломіць зброю, і шчыты папаліць агнём.

¹¹ «Спыніцеся і зразумейце, што Я ёсць Бог,
Узнясуся ў народах, узнясуся на зямлі!»

¹² Бог сілаў з намі,
Заступнік наш Бог Якаўлеў.

Знайшлі памылку ў тэксце? Вылучыце яе і націсніце: Ctrl + Enter

Сябры, вельмі патрэбныя наступныя папяровыя выданні:

Сьвятая Бібля ў перакладзе Янкі Станкевіча 1973 (і Новы Закон 1970).
Эвангельле Мацьвея, Марка, Лукі, Іоана — 1926−1930, Лодзь.
Евангелля і Дзеі ў перакладах Гадлеўскага і Татарыновіча.
Генезіс і Кніга Эклезіяста, або Прапаведніка ў перакладзе Яна Пятроўскага, 1984, 1987.

Калі вы імі валодаеце і можаце прадаць, патэлефануеце па тэлефоне +375296422269, ці напішыце — bible-man@mail.ru.

Калі вы чытаеце на беларускай мове, паспрабуйце новы праект — biblia.by:

Псалцір, Псальм 45. Пераклад Міхаіла Астапчыка.

Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў, паралельнымі спасылкамі, тэкстамі з нумарамі Стронг. Паспрабуйце, магчыма, вы будзеце прыемна здзіўлены.

Псалцір 45 Псальм 45

Псалцір, Псальм 45 в переводах:

Псалцір, Псальм 45, комментарии: