Псальм 47 — Псалтыр — Біблія — Псалцір Міхаіла Астапчыка

¹ Песня. Псалом Сынам Карэя.

² Вялікі Бог і праслаўлены ў Божым горадзе нашым,
На гары Сваёй святой.

³ Дабрапачатак радасці ўсёй зямлі — горы Сіёнскія:
На паўночным храбту горад Вялікага Цара.

⁴ Бог у харомах ягоных вызнаецца,
Бо бароніць яго.

⁵ Вось сабраліся цары ўсёй зямлі,
Аб’ядналіся разам.

⁶ І, убачыўшы гэта, здзівіліся,
Збянтэжыліся, захісталіся.

⁷ Запакутвалі,
Як ад болю парадзіха.

⁸ Ураганам вялікім
Паразбіў караблі фарсійскія.

⁹ Гэта бачылі і так чулі ў горадзе Бога сілаў,
У горадзе Бога нашага, што навечна заснаваў Бог.

¹⁰ Успрыялі, Божа, міласэрнасць Тваю
Сярод людзей Тваіх.

¹¹ Дзеля імя Твайго, Божа, так і слава Твая па ўсіх прыканцах зямлі,
Праўдай напоўнена рука Твая.

¹² Да ўзвясяліцца гара Сіёнская,
І да ўзрадуюцца дачкі іудзейскія дзеля лёсаў Тваіх, Божа.

¹³ Абыдзіце Сіён і атачыце яго,
Узвясціце ўсе вежы ягоныя.

¹⁴ Павярніце сэрцы свае да ўмацаванняў яго і падзяліцеся па сялібах яго.
Каб паведаць пакаленням іншым.

¹⁵ Бо Той ёсць Бог наш на век і векі,
Ён павадыр наш навечна.

Знайшлі памылку ў тэксце? Вылучыце яе і націсніце: Ctrl + Enter

Сябры, вельмі патрэбныя наступныя папяровыя выданні:

Сьвятая Бібля ў перакладзе Янкі Станкевіча 1973 (і Новы Закон 1970).
Эвангельле Мацьвея, Марка, Лукі, Іоана — 1926−1930, Лодзь.
Евангелля і Дзеі ў перакладах Гадлеўскага і Татарыновіча.
Генезіс і Кніга Эклезіяста, або Прапаведніка ў перакладзе Яна Пятроўскага, 1984, 1987.

Калі вы імі валодаеце і можаце прадаць, патэлефануеце па тэлефоне +375296422269, ці напішыце — bible-man@mail.ru.

Калі вы чытаеце на беларускай мове, паспрабуйце новы праект — biblia.by:

Псалцір, Псальм 47. Пераклад Міхаіла Астапчыка.

Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў, паралельнымі спасылкамі, тэкстамі з нумарамі Стронг. Паспрабуйце, магчыма, вы будзеце прыемна здзіўлены.

Псалцір 47 Псальм 47

Псалцір, Псальм 47 в переводах:

Псалцір, Псальм 47, комментарии: